AMIGOS DE ISRAEL - CORDOBA (ARGENTINA)

 

Poesía sefardí en ladino: El Poeta y el Pásharo.

El selensio de la noche caye sovre el djardino,

el agua del río karesa kon su sonido el aver.

El pásharo, en la rama del árvole, kanta

un kante de kristal.

El pásharo:

"A la madrugada me bolare,

ma onde estare a ti kantare".

El esfuenio del poeta:

Bolar como el pásharo.

En el refreskor de la madrugada

sale Li Tai-Po al djardino.

Una pluma se apoza en su palma.

El pásharo de londje:

"Esta es mi alma,

Tus palavras serán mis granos

asta que apozare de muevo en tus ramas".

El sol arelumbra,

espunta la manianada,

Los ojos del poeta brían kon sonriza,

junto al pásharo

reciven el muevo día.

Margalit Matitiahu

(1935)

Cortesia: Chelo B. Andreu